Kamfanin Dillancin Labaran Hauza | Batun shahadar Manzon Allah (S) yana daga cikin batutuwan da aka ambata a wasu majiyoyin Shi’a da kuma wasu daga cikin majiyoyin Ahlus-Sunna. A cikin wannan rahoto, an yi nazari kan ra’ayoyin Shaikh Tusi, Shaikh Mufid, Allama Majlisi, Shaikh Saduk da Baihaqi game da sanya wa Manzon Allah (S) guba da shahadarsa.
Maganar Shaikh Tusi
An ruwaito cewa marigayi Shaikh Tusi ya bayyana cewa::
«قُبِضَ بِالْمَدِینَةِ مَسْمُوماً یَوْمَ الْإِثْنَیْنِ لِلَیْلَتَیْنِ بَقِیَتَا مِنْ صَفَرٍ علیه الرحمه سَنَةَ عَشَرَةٍ مِنَ الْهِجْرَة»
Manzon Allah (S) ya rasu a Madina, cikin yanayin da aka sanya masa guba, a ranar Litinin, dare biyu kafin ƙarshen watan Safar, a shekara ta goma bayan Hijira.
An kuma ruwaito daga gare shi:
«قبض بالمدینة مسموما یوم الإثنین للیلتین بقیتا من صفر سنة عشر من هجرته»
Ya rasu a Madina cikin yanayin da aka sanya masa guba, a ranar Litinin, dare biyu kafin ƙarshen watan Safar, a shekara ta goma bayan Hijirarsa.
Maganar Shaikh Mufid
Shaikh Mufid ya ce: "Ya rasu a Madina a ranar Litinin, saura dare biyu kafin ƙarshen watan Safar, a shekara ta goma bayan Hijira, yana cikin yanayin da aka sanya masa guba, yana da shekaru sittin da uku."
Maganar Allama Majlisi
An ruwaito marigayi Allama Majlisi ya bayyana cewa:
«ذَهَبَ کَثِیرٌ مِنْ أَصْحَابِنَا إِلَی أَنَّ الْأَئِمَّةَ خَرَجُوا مِنَ الدُّنْیَا عَلَی الشَّهَادَةِ وَ اسْتَدَلُّوا بِقَوْلِ الصَّادِقِ ع وَ اللَّهِ مَا مِنَّا إِلَّا مَقْتُولٌ شَهِیدٌ»
Malaman Shi’a da dama sun yi imanin cewa Imamai (AS) sun bar duniya ne ta hanyar shahada. Sun kafa hujja da maganar Imam Sadiƙ (AS), wanda ya ce: “Na rantse da Allah, babu wani daga cikinmu face an kashe shi kuma ya yi shahada.”
Maganar Shaikh Saduk
A cikin littafin Al-I‘tiqadat, Shaikh Saduk ya bayyana cewa:
«وَ اعتقادنا فی النبیّ صلّی اللّه علیه و آله و سلّم أَنَّهُ سُمَّ فِی غَزْوَةِ خَیْبَرَ ، فَمَا زَالَتْ هَذِهِ الْأَکْلَةُ تعاده [تُعَاوِدُهُ] حَتَّی قَطَعَتْ أَبْهَرَهُ فَمَاتَ مِنْهَا.»
"Imaninmu game da Annabi (S) shi ne cewa an sanya masa guba a yaƙin Khaibar. Wannan guba ta ci gaba da dawowa tana damunsa har ta yanke wata babbar jijiya ta jikinsa, sannan ya rasu sakamakon wannan guba."
Maganar Baihaƙi daga Abdullahi bn Mas’ud
An kuma ruwaito daga Baihaƙi cewa Abdullahi bn Mas’ud ya ce:
«والبیهقی عن ابن مسعود، قال: لأن أحلف تسعًا أن رسول الله صلی الله علیه وسلم قتل، أحب إلی من أن أحلف واحدة أنه لم یقتل، وذلک أن الله اتخذه نبیًا واتخذه شهیدًا»
Baihaƙi ya ruwaito daga Abdullahi bn Mas’ud cewa: “Idan zan rantse sau tara cewa an kashe Manzon Allah (S), wannan ya fi soyuwa gare ni fiye da in rantse sau ɗaya cewa ba kashe shi a kai ba. Hakan kuwa saboda Allah Ya zaɓe shi a matsayin Annabi, kuma Ya ba shi matsayin shahada.”
Majiyoyi
1. Tahzib al-Ahkam, juzu’i na 6, shafi na 1.
2. Al-Muqni‘ah na Shaikh Mufid, shafi na 456.
3. Bihar al-Anwar, juzu’i na 29, shafi na 209.
4. Al-I‘tiqadat, juzu’i na 1, shafi na 97.
5. Sharh al-Zurqani ‘ala al-Mawahib al-Ladunniyyah, juzu’i na 7, shafi na 364.
Ra'ayinka