Kamfanin Dillancin Labaran Hauza ya ruwaito cewa cikakken saƙon Ayatullah Makarem Shirazi shi ne kamar haka:
Da sunan Allah Mai rahama Mai jin ƙai
Ya ku al’ummar Iran masu daraja kuma masoya tsarin juyin juya halin Musulunci,
Godiya ta tabbata ga Allah da Majalisar Kwararru ta Zaben Jagora a wannan lokaci mai matuƙar muhimmanci, ta aiwatar da nauyin da ya rataya a wuyanta na shari’a da na doka.
Wannan majalisa, bayan nazarin dukkan sharudda da siffofi da ake buƙata, ta zaɓi Ayatullah Haji Sayyid Mujtaba Khamenei (Allah Ya kiyaye shi) a matsayin jagora na uku na Jamhuriyar Musulunci ta Iran, kuma ta tabbatar da hujja ga kowa.
Yanzu ya dace al’umma masu daraja da kuma rukunonin tsarin ƙasa su yi bai’a ga wannan zaɓi mafi dacewa, domin ci gaba da tafiya a kan hasken hanyar juyin juya hali tare da haɗin kai da juriya har zuwa nasara ta ƙarshe.
Ina kuma sake miƙa ta’aziyyata kan shahadar jagoran juyin juya hali da ya rasu, da kuma shahadar kwamandoji, al’umma masu daraja, yara da mata marasa laifi, ga sabon jagora da dukkan al’ummar Iran. Haka nan ina taya su murnar wannan zaɓi, ina kuma roƙon Allah Madaukaki Ya ba Iran ta Musulunci nasara, ɗaukaka da martaba, Ya kuma ƙasƙantar da maƙiya.
Assalamu alaikum wa rahmatullahi wa barakatuh
Naseer Makarem Shirazi, Qom
18 Esfand 1404 (09/03/2026)
Ra'ayinka