Kamar yadda Kamfanin Dillancin Labaran Hauza ya ruwaito, Ayatullah Alireza A’arafi, Shugaban Hauzozin ilimi, ya fitar da wata sanarwa inda ya gayyaci al’ummar Iran masu kishin juyin juya hali da biyayya ga jagoranci, da dukkan al’ummomin Musulmi da masu neman ‘yanci a duniya, su halarci gangamin Ranar Quds ta Duniya cikin azama. Ya jaddada cewa: "Quds ta bana ta bambanta; domin ta zo daidai da wani muhimmin lokaci da karkatar tarihi a Iran, yankin gabas ta tsakiya da duniya, tare da kuma daidaituwa da yaƙin Ramadan mai ƙayyade makoma, wanda dole ne a bana ya zama babban fili mai faɗi na tarihi."
Ga rubutun sanarwar kamar haka:
Da sunan Allah Mai karya azzalumai, Mai hallaka masu zalunci, kuma Mai riskar masu gudu.
Tsira da aminci ga Annabi Mai girma (SAWA) da Imaman shiriya (AS) da kuma Imamuz-zaman (AF), ina sake miƙa taya murna da ta’aziyya saboda shahadar shahidai masu daraja daga cikin jama’a da rundunonin tsaro, musamman shahidan ɗaliban makaranta, kuma musamman shahadar Imam Khamenei mai daraja (R). Ina kuma tunatar da muhimmancin ci gaba da kasancewar jama’a cikin tsari da haɗin kai a fagage daban‑daban, musamman a Ranar Quds ta Duniya.
Ranar Quds wata gada ce da Imam Khomeini (R) da Imam shahidi (R) suka bari, kuma al’ummar Iran masu jarumta da al’ummar Musulunci da masu neman ‘yanci a duniya sun kasance suna girmama ta a ko da yaushe tare da nuna halartar su mai karya ƙarfin makiya. Amma Quds din bana ta bambanta; domin ta zo daidai da wani muhimmin lokaci da karkatar tarihi a Iran, yankin gabas ta da duniya, tare da kuma daidaituwa da yaƙin Ramadan mai ƙayyade makoma. Al’ummar Iran masu jarumta sun mayar da dukkan watan Ramadan na bana zuwa Quds, amma ya zama dole Ranar Quds ta bana ta zama babban fili mai faɗi na tarihi.
Halartar jama’a masu daraja da dukkan karfi wajen kare Musulunci da Iran da juyin juya hali, da sabunta alkawari ga Imam Khamenei shahidi (R), da kuma mubaya’a mai ƙarfi ga sabon jagora mai daraja Ayatullah Sayyid Mujtaba Khamenei, da kuma goyon baya ga rundunonin soji, sojojin Musulunci, ‘yan Basij masu daraja, masu kiyaye tsaro da yan muƙawama na ƙasa, dole ne su fi bayyana.
Ina kuma miƙa godiya da yabo ga dukkan jama’a – mata da maza da matasa masu daraja – waɗanda a cikin watan Ramadan mai albarka da wannan gwagwarmaya ta tarihi tsakanin Musulunci da kafirci, da kuma a gaban makircin makiya Amurka da sahyoniya, suka nuna juriya da sadaukarwa tare da haifar da mamaki. Haka kuma ina yabawa da juriya mai ban mamaki da ƙarfi na rundunonin soji. Ina kuma gode wa manyan maraji’ai, malamai, cibiyoyi da hukumomin al’adu da na Hauza, da dukkan manyan malamai da masu wa’azi da fitattun mutane a fadin ƙasar, saboda kasancewarsu tare da jama’a a dukkan fagage da masallatai da shirye‑shirye, da kuma ƙoƙarinsu a fagen wa’azi da jihadin bayani. Ina roƙon su duka su ci gaba cikin hikima da jarumta a kan layin kasancewa a fage da jihadin bayani, musamman a Ranar Quds har zuwa ƙarshen watan Ramadan mai albarka da kuma hutun Nowruz.
Babu shakka wannan halartar haɗin kai da jarumtaka ta babbar al’ummarmu, da taimakon Allah, ita ce ginshiƙin asali kuma tushen ƙarfin al’umma da ɗaukakar ƙasa da Musulunci a duniya ta zamani, kuma da yardar Allah da kulawar Imam Mahdi (Allah ya gaggauta bayyanarsa), da kuma albarkar jinin shahidai masu tsarki, za ta ci gaba insha Allah.
Muna aika gaisuwa ga tsarkakan ruhohin dukkan shahidai masu ɗaukaka, ga Imam Khomeini mai girma (R) da kuma Imam shahidi (R).
Alireza A’arafi
Shugaban Hauzozin Ilimi
Ra'ayinka