A cewar rahoton Kamfanin Dillancin Labaran Hauza, a yayin wannan taro na ilimi, an dauki tsarin "Sabuwar Wayewar Musulunci" a matsayin tushen nazarin salon siyasar Manzon Allah (SAWA) da Amirul Muminin (AS) a fagen gina wayewar kai. Haka kuma, an gabatar da salon gudanarwa na Shahid Sayyid Hassan Nasrullah a matsayin wani misali na zahiri, mai nasara, kuma mai iya maimaituwa na dorewar wannan samfuri.
Hujjatul Islam wal Muslimin Muhammad Sa'id Nejati, wanda shi ne mai gabatar da wannan bincike, yayin da yake bayyana tsarin da makalar tasa ta ginu a kai, ya bayyana shika-shikan asali na samfurin shugabanci mai gina wayewar kai a cikin salon rayuwar Shahid Nasrullah da kungiyar Hizbullah ta Lebanon, inda ya lissafa wadannan rukunoni a matsayin manyan shika-shikan wannan gudanarwa:
1. Mayar da Tauhidi a Matsayin Tushe da Yin Aiki Don Sauke Nauyi: Sanya imani, bauta, da nufin Ubangiji su kasance sune kashin baya da tushen tafiyar gwagwarmayar Musulunci.
2. Imani da Lahira a Aikace-aikace: Tabbatar da gaskata ranar lahira ya zama abin motsawa da damuwa na aikace-aikace domin tsara ayyukan mutum na ƙashin kansa da na al'umma, sannan kuma a matsayin silar juriya da kawo fata a lokacin tsananin matsaloli.
3. Karbar Jagoranci na Dabara (Strategic Wilayah): Fahimtar babban tsari da shugabanci na Wilayatul Faƙih da tafiya bisa kan haka, a matsayin gaskiyar biyayya da hadin kai na tsari.
4. Wayewar Hankali ta Dabara da Kula da Fasaha: Guje wa halaye na gaggawa, na motsin rai, da fassarori marasa ma'ana na hankali; kuma a madadin haka, yin amfani da ilimin zamani, tsara shirye-shirye, horarwa, da kuma ƙera sabbin kayan aiki a fagen aikin soja, sirri, da kafofin yada labarai.
5. Shimfida Adalci da Kafa Cibiyoyin Al'umma: Kokari na tsari domin rage gajiyawa da bunkasa adalci ta hanyar kafa cibiyoyin ayyukan jin kai, kiwon lafiya, agaji, da ilimi domin talakawa da iyalan shahidai.
Wannan mai bincike na Hauza a karshe ya bayyana cewa: "Ba za a iya takaita abubuwan da Hizbullah ta fuskanta a Lebanon a matakin kungiyar soja ko ta sirri kawai ba, a'a wannan tafiya wata gwaninta ce mai nasara ta fuskar al'umma, al'adu, da gina wayewar kai. Wannan samfuri yana nuna a fili cewa shugabanci mai gina wayewar kai da ya dogara ga imani, hankali, da kafa cibiyoyi, yana da ikon sake kafuwa a cikin yanayi daban-daban na tarihi da na kasa, kuma yana iya barin alamomi na gaske kuma madawwama."
Ra'ayinka