Kamfanin Dillancin labarai Hauza ya ruwaito cewa marigayi Ayatullah Ha'iri Shirazi a cikin daya daga cikin jawabansa ya yi bayani kan batun “Ta yaya Allah yake taimaka wa juyin juya hali?”. Ga abin da ya bayyana:
Wannan ƙasa tana da mai ita. Ya kamata a buɗe wani tunani a zuciya game da Mai ita.
Game da abubuwan da ba su cikin ikonmu, kada mu damu da yadda za a tafiyar da su. A cikin abubuwan da suka wuce ƙarfinmu, ku yi barci cikin natsuwa, kada ku damu. Amma a cikin abubuwan da suke cikin ikonmu, dole ne mu yi ƙoƙari har ma mu rasa barci saboda su. Amma abin da ya wuce ƙarfinmu bai kamata ya zama abin damuwa ba.
Ma’anar ayar “In tansurullaha yansurkum” ita ce: idan kun taimaki Allah a cikin abubuwan da suke cikin ikonku, Allah zai taimake ku a cikin abubuwan da ba su cikin ikonku.
Operation din da Amurka ta kai a Tabas (Operation Eagle Claw) ya kasance abin da ya wuce ikonmu; wannan al’amari yana cikin ikon Allah. Saboda haka Allah ya aiko da guguwa. Amma ba haka ba ne cewa duk lokacin da muka je wani farmaki, Allah zai aiko da guguwa ta halaka maƙiya.
Waɗannan abubuwa suna cikin iyakarmu. Zamu bayar da shahidai, kuma abu ne na dabi’a mu bayar. Me ya sa? Domin hanyar tarbiyyar Allah ba ita ce sanya mutane su zama masu kasala ko masu yawan jiran tsammani ba.
A lokacin da kuke raunana, ku dogara ga ikon Allah. Amma idan kun wuce wannan mataki kuma kun sami ƙarfi, dole ne ku yi amfani da kayan aiki da hanyoyin da kuke da su.
Idan wani hannu na gaibi (da ba a gani) ya zo ya halaka Saddam da tsinuwa kawai, da ina za mu kasance yanzu? Ba ko’ina ba! Ba za mu sami Qasim Sulaimani ba. Mun samu Qasim Sulaimani ne saboda waɗannan matsin lamba da gwagwarmaya.
Mun same shi ne saboda ya kasance yana zaune a ɗakin yaƙi daga dare har safiya yana tsara al’amura.
Mafi kyawun taimakon Allah wani lokaci shi ne kada ya taimaka kai tsaye. Wannan shi ne ma’anar “Khairun‑Nasirin” — mafi kyawun mai taimako. Idan kai da kanka za ka iya yin abu, to Allah ba zai taimaka maka kai tsaye ba.
Ra'ayinka